1. Müsabiqədə iştirak etmək və yayım üzrə lisenziya almaq üçün müəyyən olunmuş qaydada ərizə;
2. Teleradio yayımı kanalının fərqləndirici nişanları (telestudiyanın emblemi, radionun çağırış siqnalları və s.);
3. Teleradio yayımçısının Azərbaycan Respublikasının müvafiq icra hakimiyyəti orqanı tərəfindən verilmiş təsis sənədlərinin (nizamnamə, qeydiyyat şəhadətnaməsi, dövlət reyestrindən çıxarış) notariat qaydasında təsdiq olunmuş surətləri;
4. Yayımın proqram konsepsiyası;
5. Kadr tərkibi və kadrların peşə hazırlığının səviyyəsi barədə arayış;
6. Teleradio verilişlərinin hazırlanmasında və yayımlanmasında istismar olunacaq əsas qurğu və avadanlıqlar (1 və 2 saylı Əlavələr doldurulmaqla);
7. Əsas vəsaitlərin balans üzrə siyahısı (ilkin və qalıq dəyəri ilə);
8. İcarəyə götürülmüş əsas vəsaitlərin siyahısı, icarə müqavilələrinin surəti;
9. Teleradio yayımçısının istifadə etdiyi ötürücü qurğunun texniki tələbləri;
10. Teleradio yayımçısının təsisçisinin şəxsiyyətini təsdiq edən sənədin notariat qaydasında təsdiq olunmuş surəti, onun əmək fəaliyyətini əks etdirən tərçümeyi-halı və anket məlumatları;
11. Teleradio yayımçısının direktorunun vəzifəyə təyin olunmasını təsdiq edən sənəd, onun şəxsiyyətini təsdiq edən sənədin notariat qaydasında təsdiq olunmuş surəti, əmək fəaliyyətini əks etdirən tərçümeyi-halı və anket məlumatları;
12. Retranslyasiya olunan kanalların müəlliflik hüququna dair müqavilələrin surəti (kabel şəbəkəsi və IPTV yayımçıları üçün);
13. Abunəçilərin sayı və aylıq abunə haqqı barədə Bəyannamə (kabel, IPTV və kodlaşdırılmış qurğularla peyk vasitəsilə xarici kanalların retranslyasiyasını həyata keçirən yayımçılar üçün);
14. Müsabiqədə iştirak etmək üçün müvafiq dövlət orqanının müəyyən etdiyi birdəfəlik ödəniş (yerüstü rəqəmli televiziya və analoq radio yayımçıları üçün).

Qeyd:

1. Bütün sənədlər Azərbaycan Respublikasının dövlət dilində təqdim olunur.
2. Bütün sənədlər tikilməli, imzalanmalı, möhürlənməli və tarixi qeyd olunmaq şərti ilə Milli Televiziya və Radio Şurasına təqdim olunmalıdır.
3. Sənədlər 9 nüsxədə təqdim olunmalıdır.
4. Yuxarıda göstərilən sənədlərdən hər hansı birinin çatışmadığı halda ərizəyə baxılmır.